L: Malam ampatblas tarangnya bulan bapagar bintang sakalilingan
Hai ading bungas abang batakun apakah ikam ada ampunnya
Suara jangkrik, sahut basahut dihiga batu
Jangan pang sarik abang batakun nang handak tahu
P: Pantai batakan imbah kandangan anginnya malam dingin sakali
Hai abang tampan apa garangan manakunakan badanku ini
Banyu bamati, umbak tagulung kada ampihnya
Kada pang sarik pian batakun kada mangapa
L: Amparlah tikar dipinggir kulam gasan manjamur iwak haruan
Hai ading langkar lamunlah ikam masih saurang balum bakawan
Saluang diwadi, wadi ditanak umai nyamannya
Maksud pang hati handak malamar bulan kaina
P: Nang bahamburan kambang durian diulah kayu diikat tali
Hai abang tampan maksud sampian aku tarima sapanuh hati
Dijayai jangan, supaya kambang manjadi satu
Jangan basupanan bapadah saurang lawan abahku
LP: Param pang pinang lalu diraut sirih salukut gasan manginang
Hai ading/abang sayang gayung basambut mancari sumur tajajak undayang
Undayang dikabat, diulah pupuk manuai wadi
Mudahan hati supaya jngan taubah lagi
herykita 